திருவண்ணாமலையில் நடைபெறவுள்ள கார்த்திகை தீபத் திருவிழாவை முன்னிட்டு, பாதுகாப்பு மற்றும் போக்குவரத்து ஒழுங்குப்படுத்தும் பணிகள் தீவிரப்படுத்தப்பட்டுள்ளன.
விழாவின் போது லட்சக்கணக்கான பக்தர்கள் வருகை தருவார்கள் என எதிர்பார்க்கப்படுவதால், நகருக்குள் இயக்கப்படும் ஆட்டோக்களுக்கு புதிய கட்டுப்பாடுகள் விதிக்கப்பட்டுள்ளன. அதன்படி, மாவட்ட நிர்வாகம் மற்றும் காவல் துறையின் முறையான அனுமதி பெற்று, கியூஆர் கோடு (QR Code) ஸ்டிக்கர் ஒட்டிய ஆட்டோக்கள் மட்டுமே நகருக்குள் இயக்க அனுமதிக்கப்படும்.
அனுமதி பெறாத மற்றும் கியூஆர் கோடு ஸ்டிக்கர் இல்லாத ஆட்டோக்கள் நகர எல்லையிலேயே தடுத்து நிறுத்தப்படும் என்று தெரிவிக்கப்பட்டுள்ளது. பக்தர்களிடம் கூடுதல் கட்டணம் வசூலிப்பதைத் தடுப்பதற்கும், நகரில் பாதுகாப்பை உறுதி செய்வதற்கும் இந்த நடவடிக்கை எடுக்கப்பட்டுள்ளதாக அதிகாரிகள் விளக்கம் அளித்துள்ளனர்.









