விருதுநகர் மாவட்டம், மேற்குத் தொடர்ச்சி மலை அடிவாரப் பகுதிகளில் அமைந்துள்ள கூமாப்பட்டி மற்றும் அதனைச் சுற்றியுள்ள கிராமங்களில் சாகுபடியான நெற்பயிர்கள் பசுமை போர்த்திக் காட்சியளிக்கின்றன.
வத்திராயிருப்பு, தம்பிபட்டி, மகாராஜபுரம், கோட்டையூர், கான்சாபுரம் மற்றும் நெடுங்குளம் உள்ளிட்ட பகுதிகளில் சுமார் 6,500 ஏக்கர் பரப்பளவில் நெல் பயிரிடப்பட்டுள்ளது. தற்போது இப்பகுதிகளில் பயிர்கள் செழித்து வளர்ந்துள்ளதால், இப்பகுதி முழுவதும் பச்சைப்பசேல் என்று இயற்கை எழில் கொஞ்சும் வகையில் காட்சியளிக்கிறது.
குறிப்பாக, இக்காட்சிகளை வான்வெளியில் இருந்து பருந்து பார்வையில் (Drone View) பார்க்கும்போது கிடைக்கும் பசுமையான காட்சிகள் காண்போரை வெகுவாகக் கவர்வதுடன், கண்களுக்கும் குளிர்ச்சியூட்டும் வகையில் அமைந்துள்ளது.









