விவசாயம்
*பாம்பன் துறைமுகத்தில் 1-ம் எண் புயல் எச்சரிக்கை கூண்டு: மீனவர்களுக்கு எச்சரிக்கை*
🕒 25 அக்., 2026, 07:03 AM
⏱️ 1 நிமிடம் வாசிப்பு

📸1 / 3
🖼️அனைத்துப் புகைப்படங்கள் (3)படத்தைத் தொடவும்
செய்தியைக் கேளுங்கள்
Text-to-Speech
வங்கக்கடலில் நிலவும் வானிலை மாற்றம் காரணமாக, பாம்பன் துறைமுகத்தில் இன்று காலை 6.45 மணிக்கு 1-ம் எண் தொலைதூர புயல் எச்சரிக்கை கூண்டு ஏற்றப்பட்டுள்ளதாக துறைமுக பாதுகாவலர் ச.சந்தோஷ்குமார் இந்த தகவலை தெரிவித்துள்ளார்.
தமிழகத்தில் வடகிழக்கு பருவமழை தொடங்கியுள்ள நிலையில், வங்கக்கடல் பகுதியில் காற்றழுத்த தாழ்வு நிலை உருவாகியிருக்கலாம் என வானிலை ஆய்வு மையம் தெரிவித்துள்ளது. இதன் காரணமாக கடலில் பலத்த காற்று வீசக்கூடும் என்பதால் முன்னெச்சரிக்கை நடவடிக்கையாக 1-ம் எண் கூண்டு ஏற்றப்பட்டுள்ளது.
இதையடுத்து ராமேஸ்வரம், பாம்பன், மண்டபம் பகுதி மீனவர்கள் கடலுக்கு செல்ல வேண்டாம் என்றும், கடலில் மீன்பிடித்துக் கொண்டிருப்பவர்கள் உடனடியாக கரை திரும்புமாறும் மீன்வளத்துறை அதிகாரிகள் அறிவுறுத்தியுள்ளனர்.
மேலும் வானிலை நிலவரத்தை தொடர்ந்து கண்காணித்து வருவதாகவும், அடுத்தகட்ட எச்சரிக்கை குறித்து துறைமுக நிர்வாகம் மூலம் தெரிவிக்கப்படும் என்றும் துறைமுக பாதுகாவலர் தெரிவித்துள்ளார்.








