புதுக்கோட்டை மாவட்ட விளையாட்டு அரங்கத்தில் திமுக சார்பில் கட்டப்பட்டு, இதுவரை திறக்கப்படாமல் இருந்த உள் விளையாட்டு அரங்கத்தை, மாவட்ட ஆட்சியர் அருணா தலைமையில் தமிழ்நாடு திறன் மேம்பாட்டுத் துறை அமைச்சர் மாண்புமிகு முகமது பர்வேஸ் திறந்து வைத்தார்.
இந்த திறப்பு விழாவைத் தொடர்ந்து, அங்கு அமைக்கப்பட்டுள்ள கிரிக்கெட் மைதானத்தில் ஒரு சுவாரஸ்யமான நட்புமுறை கிரிக்கெட் போட்டி நடைபெற்றது. இதில் அதிமுகவின் முன்னாள் அமைச்சரும், தற்போதைய தமிழக வெற்றிக் கழக கந்தர்வகோட்டை தொகுதி சட்டமன்ற உறுப்பினருமான சுப்பிரமணியன் பந்துவீசினார்.
அவர் வீசிய பந்துகளை எதிர்கொண்ட அமைச்சர் முகமது பர்வேஸ் மட்டையைக் கொண்டு சிறப்பாக விளையாடி ரன்களைக் குவித்தார். இளமையும் கிரிக்கெட் விளையாட்டில் அனுபவமும் கொண்ட அமைச்சர் முகமது பர்வேஸ், முன்னாள் அமைச்சர் வீசிய பந்துகளை எளிதில் எதிர்கொண்டு அனைவரையும் கவர்ந்தார்.









