புதுக்கோட்டை மாவட்டம், விராலிமலை சட்டமன்றத் தொகுதிக்கு உட்பட்ட அனைத்து வாக்காளர்களின் குடும்பங்களுக்கும் முன்னாள் அமைச்சர் விஜயபாஸ்கர் தீபாவளிப் பரிசுகளை வழங்கியுள்ள சம்பவம் அப்பகுதியில் பெரும் பரபரப்பை ஏற்படுத்தியுள்ளது.
விராலிமலை சட்டமன்றத் தொகுதியில் தொடர்ந்து வெற்றி பெற்று, அமைச்சராகவும் பணியாற்றியுள்ள விஜயபாஸ்கர், ஒவ்வொரு ஆண்டும் தீபாவளி பண்டிகையின்போது தொகுதி மக்களுக்கு பரிசுகளை வழங்குவதை வாடிக்கையாகக் கொண்டுள்ளார். அவர் கடந்த காலங்களில் நான்கு முறை தேர்தலில் போட்டியிட்டு வெற்றி பெற்றுள்ளார். இரண்டு முறை அமைச்சராகவும், ஒருமுறை சட்டமன்ற உறுப்பினராகவும் பணியாற்றிய அவர், நான்காவது முறை சட்டமன்ற உறுப்பினராகத் தேர்ந்தெடுக்கப்பட்ட பிறகு தனது பதவியை ராஜினாமா செய்தார். தற்போது அவர் எந்தவொரு அதிகாரப்பூர்வ அரசியல் பொறுப்பிலும் இல்லாத நிலையில், அண்மையில் தமிழக வெற்றிக் கழகத்தில் இணைந்தார்.
விராலிமலை சட்டமன்றத் தொகுதி காலியாக உள்ள நிலையில், விரைவில் வரவிருக்கும் இடைத்தேர்தலை எதிர்கொள்ள அவர் தீவிரமாக தயாராகி வருகிறார். இந்தச் சூழலில், தொகுதி முழுவதும் உள்ள வீடுகளுக்கு நேரில் ஆட்களை அனுப்பி, ஒரு கிலோ குலோப் ஜாம், ஒரு சம்படம், ஒரு பை மற்றும் ஒரு பிளாஸ்டிக் விசில் உள்ளிட்ட தீபாவளிப் பரிசுப் பொருட்களை அவர் விநியோகித்துள்ளார். தேர்தல் களம் சூடுபிடித்துள்ள இந்தக் காலகட்டத்தில், இத்தகைய பரிசுப் பொருட்கள் விநியோகம் அப்பகுதியில் அரசியல் வட்டாரங்களில் பேசுபொருளாகியுள்ளது.









