நாமக்கல் மண்டலத்தில் முட்டையின் கொள்முதல் விலையில் திடீர் சரிவு ஏற்பட்டுள்ளது. இதுவரை ரூ.6.25 ஆக இருந்த ஒரு முட்டையின் விலை, ஒரே நாளில் 25 காசுகள் குறைக்கப்பட்டு ரூ.6.00 ஆக நிர்ணயம் செய்யப்பட்டுள்ளதாக தேசிய முட்டை ஒருங்கிணைப்பு குழு அறிவித்துள்ளது.
இந்த விலை குறைப்பு கோழிப்பண்ணையாளர்கள் மற்றும் முட்டை வியாபாரிகள் மத்தியில் கவனத்தை ஈர்த்துள்ளது. சந்தையில் நிலவும் தேவை மற்றும் வரத்து மாற்றங்களின் அடிப்படையில் இந்த விலை நிர்ணயம் செய்யப்பட்டுள்ளதாக வட்டாரங்கள் தெரிவிக்கின்றன.









