வேலூரில் உள்ள பிரசித்தி பெற்ற மலைக்கோடி ஸ்ரீபுரம் தங்கக் கோவிலில், தீபாவளியை முன்னிட்டு உலக நன்மை வேண்டி ஸ்ரீ சக்கர வடிவில் 10 ஆயிரத்து 8 நெய் தீபங்கள் ஏற்றி சிறப்பு வழிபாடுகள் நடத்தப்பட்டன.
உலகப் புகழ்பெற்ற இந்த ஆன்மீகத் தலத்தில் நடைபெற்ற இந்நிகழ்வில், ஸ்ரீ நாராயணி அம்மனுக்கு சிறப்புப் பூஜைகள் மற்றும் மகா தீபாராதனை நடைபெற்றன. இந்த ஆன்மீக வழிபாட்டில் வெளிநாட்டு பக்தர்கள் மற்றும் உள்நாட்டு சுற்றுலாப் பயணிகள் உள்பட ஏராளமானோர் கலந்துகொண்டு அம்மனின் அருள் பெற்றனர்.









