திருவண்ணாமலை அருணாச்சலேஸ்வரர் கோயிலில் நடைபெறவுள்ள கார்த்திகை தீபத் திருவிழாவை முன்னிட்டு, பக்தர்களின் வசதிக்காக திருச்சி – வேலூர் கண்டோன்மென்ட் இடையே நவம்பர் 23 முதல் 25-ஆம் தேதி வரை சிறப்பு ரயில்கள் இயக்கப்பட உள்ளதாக திருச்சி ரயில்வே கோட்ட நிர்வாகம் தெரிவித்துள்ளது. நவம்பர் 23, 24 மற்றும் 25 ஆகிய தேதிகளில் திருச்சி ரயில் நிலையத்தில் இருந்து காலை 8 மணிக்குப் புறப்படும் இந்த ரயில், பிற்பகல் 2.50 மணிக்கு வேலூர் கண்டோன்மென்ட் ரயில் நிலையத்தைச் சென்றடையும். மறுமார்க்கத்தில் வேலூர் கண்டோன்மென்ட் ரயில் நிலையத்தில் இருந்து மேற்கண்ட தேதிகளில் இரவு 11 மணிக்குப் புறப்படும் ரயில், மறுநாள் காலை 7.20 மணிக்கு திருச்சி ரயில் நிலையத்தை வந்தடையும். இந்த சிறப்பு ரயில்கள் திருவெறும்பூர், பூதலூர், தஞ்சாவூர், பாபநாசம், கும்பகோணம், மயிலாடுதுறை, வைத்தீஸ்வரன்கோயில், சீர்காழி, சிதம்பரம், திருப்பாதிரிபுலியூர், பண்ருட்டி, விழுப்புரம், திருவண்ணாமலை, போளூர் மற்றும் ஆரணி சாலை உள்ளிட்ட ரயில் நிலையங்களில் நின்று செல்லும். இந்த சிறப்பு ரயில்களுக்கான முன்பதிவு இன்று நவம்பர் 21-ஆம் தேதி தொடங்கும் என ரயில்வே நிர்வாகம் தெரிவித்துள்ளது. கார்த்திகை தீபத் திருவிழாவிற்குச் செல்லும் பக்தர்கள் இந்த சிறப்பு ரயில் சேவையைப் பயன்படுத்திக் கொள்ளலாம்.
தமிழ்நாடு
கார்த்திகை தீபத் திருவிழா: திருச்சி – வேலூர் இடையே நவ.23 முதல் சிறப்பு ரயில் இயக்கம்!
🕒 21 நவ., 2026, 04:07 AM
⏱️ 1 நிமிடம் வாசிப்பு

📸1 / 1
✨
AI Highlights
- •திருவண்ணாமலை கார்த்திகை தீபத் திருவிழாவையொட்டி, திருச்சி - வேலூர் இடையே நவம்பர் 23 முதல் 25 வரை சிறப்பு ரயில்கள் இயக்கப்படுகின்றன. முன்பதிவு இன்று தொடங்குகிறது.
செய்தியைக் கேளுங்கள்
Text-to-Speech








