மயிலாடுதுறை மாவட்ட சமூக நலன் மற்றும் மகளிர் உரிமைத்துறை சார்பில், 'பெண் குழந்தைகளை காப்போம், பெண் குழந்தைகளுக்கு கற்பிப்போம்' திட்டத்தின் கீழ் விழிப்புணர்வு மாரத்தான் போட்டி இன்று கோலாகலமாக நடைபெற்றது.
மாவட்ட ஆட்சியர் அலுவலக வளாகத்தில் நடைபெற்ற இந்த மாரத்தான் போட்டியை, மாவட்ட ஆட்சியர் ஸ்ரீகாந்த் கொடியசைத்து தொடங்கி வைத்தார். இதில் பல்வேறு பள்ளிகளைச் சேர்ந்த 300-க்கும் மேற்பட்ட மாணவிகள் ஆர்வத்துடன் பங்கேற்று, மாவட்ட ஆட்சியர் அலுவலகத்திலிருந்து மயிலாடுதுறை இந்திய விளையாட்டு ஆணைய (SAI) மைதானம் வரை ஓடி விழிப்புணர்வு ஏற்படுத்தினர்.
இந்த மாரத்தான் போட்டியின் முக்கிய நோக்கமாக பின்வருவன வலியுறுத்தப்பட்டன:
- குழந்தைத் திருமணத் தடுப்பு
- பெண் கல்வி ஊக்குவிப்பு
- பெண் சிசுக்கொலை தடுப்பு
- வரதட்சணை கொடுமைக்கு எதிரான விழிப்புணர்வு
போட்டியில் பங்கேற்ற அனைத்து மாணவிகளுக்கும் பங்கேற்புச் சான்றிதழ்கள் வழங்கப்பட்டன. வெற்றி பெற்ற மாணவிகளுக்கான பரிசுகள் மற்றும் சான்றிதழ்கள் நாளை மாவட்ட ஆட்சியர் அலுவலகத்தில் நடைபெறும் விழாவில் வழங்கப்பட உள்ளன. இந்நிகழ்வில் மாவட்ட வருவாய் அலுவலர் பூங்கொடி, சமூக நல அலுவலர் பிரபா மற்றும் அரசு உயர் அதிகாரிகள் பலர் கலந்துகொண்டனர்.









