திருவண்ணாமலை அண்ணாமலையார் கோயிலில் கார்த்திகை தீபத்திருவிழாவை முன்னிட்டு, சுவாமி மற்றும் அம்மன் உள்ளிட்ட பஞ்சமூர்த்திகள் மாடவீதியுலா செல்லும் போது கட்டுவதற்காக ரூ.3.60 லட்சம் மதிப்பில் 14 திருக்குடைகள் காணிக்கையாக வழங்கப்பட்டுள்ளன.
திருவண்ணாமலை அண்ணாமலையார் கோயிலில் இந்த ஆண்டுக்கான கார்த்திகை தீபத்திருவிழா நாளை தொடங்கி வரும் நவம்பர் 24ஆம் தேதி வரை விமரிசையாக நடைபெற உள்ளது. விழாவின் முக்கிய நிகழ்வான பஞ்சமூர்த்திகள் மாடவீதியுலா திருவிழா நாட்களில் தினமும் நடைபெறவுள்ளது.
இந்நிலையில், பஞ்சமூர்த்திகள் வீதியுலா செல்லும் போது பயன்படுத்துவதற்காக ஸ்ரீ அருணாசலா ஆன்மிக சேவா சங்கம் சார்பில் ரூ.3.60 லட்சம் மதிப்பிலான 14 திருக்குடைகள் காணிக்கையாக வழங்கப்பட்டுள்ளன. இந்தத் திருக்குடைகளை சங்கத்தின் நிர்வாகிகள் கோயில் நிர்வாகத்தினரிடம் அதிகாரப்பூர்வமாக ஒப்படைத்தனர்.









