திருவண்ணாமலை மாவட்டம், போளூர் தொகுதியில் 10 மற்றும் 12-ஆம் வகுப்பு பொதுத்தேர்வுகளில் சிறப்பிடம் பிடித்த மாணவ, மாணவிகளை தமிழக முதலமைச்சர் ஜோசப் விஜய் நேரில் அழைத்து பாராட்டி, விருதுகளை வழங்கினார்.
சென்னை தலைமைச் செயலகத்தில் நடைபெற்ற இந்த நிகழ்வில், 2026-ஆம் ஆண்டு பொதுத்தேர்வில் போளூர் தொகுதியில் முதல் மூன்று இடங்களைப் பிடித்த அர்ச்சனா, ராஜேந்திர பிரசாத், கனிஷ்கா, சுப்ரியா, கீர்த்தனா மற்றும் ஸ்ரீ ஹரிதா உள்ளிட்ட மாணவ, மாணவிகளுக்கு முதலமைச்சர் சான்றிதழ்களையும், கல்வி விருதுகளையும் வழங்கி கௌரவித்தார்.
இந்த விழாவில், திருவண்ணாமலை வடமேற்கு மாவட்ட கழகச் செயலாளரும், போளூர் சட்டமன்ற உறுப்பினருமான அபிஷேக், மாவட்ட துணைச் செயலாளர் சங்குபாணி, மாவட்ட இணை செயலாளர் ராமச்சந்திரன், மாவட்ட பொருளாளர் மகேஷ், மாவட்ட செயற்குழு உறுப்பினர் யாசின், ஒன்றிய செயலாளர்கள் ஜாபர் மற்றும் கே.டி.ஆர். ராமு ஆகியோர் கலந்துகொண்டனர். மேலும், விருது பெற்ற மாணவர்களின் பெற்றோர்களும் இந்நிகழ்வில் உடனிருந்தனர்.









