திருப்பத்தூர் மாவட்டம் வாணியம்பாடி அடுத்த மதனாஞ்சேரி பகுதியில் உள்ள தனியார் மெட்ரிக் மேல்நிலைப் பள்ளியில் 'துளிர் திறனாய்வு போட்டிகள்' உற்சாகமாக நடைபெற்றன.
இந்த நிகழ்ச்சிக்கு பிரைட் அறக்கட்டளையின் தலைவர் கே. சந்திரமோகன் தலைமை தாங்கினார். போட்டிகளில் வெற்றி பெற்ற மாணவ-மாணவிகளுக்கு, தமிழ்நாடு அறிவியல் இயக்கத்தின் மாவட்ட துணைத் தலைவர் ஏ. முருகன் மற்றும் மாவட்ட தலைவர் எஸ். சத்தியமூர்த்தி ஆகியோர் பரிசுகளும் சான்றிதழ்களும் வழங்கி சிறப்பித்தனர்.
மாணவர்களிடையே அறிவியல் ஆர்வத்தை மேம்படுத்தும் வகையிலும், அவர்களின் மறைந்திருக்கும் திறமைகளை வெளிக்கொண்டுவரும் நோக்கத்திலும் நடத்தப்பட்ட இந்த திறனாய்வு போட்டிகளில் அப்பகுதியைச் சேர்ந்த ஏராளமான பள்ளி மாணவ-மாணவிகள் மிகுந்த ஆர்வத்துடன் கலந்துகொண்டனர்.









