கரூர் புதிய பேருந்து நிலையத்தில் உள்ள தமிழ்நாடு அரசு போக்குவரத்துக் கழகத்தின் (கோயம்புத்தூர் லிட்) நேரம் காப்பாளர் அலுவலகம் இரவு நேரங்களில் தொடர்ந்து பூட்டியே கிடப்பதாகப் பயணிகள் மற்றும் பொதுமக்கள் தரப்பில் குற்றச்சாட்டுகள் எழுந்துள்ளன.
பயணிகள் எதிர்கொள்ளும் போக்குவரத்து தொடர்பான குறைகள் குறித்து கரூர் கிளை மேலாளரின் தொலைபேசி எண்ணைத் தொடர்பு கொண்டு புகார் தெரிவிக்க முயன்றால், அவர் அழைப்புகளை ஏற்பதில்லை என்றும் பரவலான புகார்கள் கூறப்படுகின்றன. கடந்த 2011 முதல் 2016 வரையிலான மற்றும் 2016 முதல் 2021 வரையிலான அதிமுக ஆட்சிக் காலங்களில் போக்குவரத்துத் துறை அமைச்சர்கள் கரூரைச் சேர்ந்தவர்களாக இருந்த பெருமைக்குரிய மாவட்டமாக விளங்கிய போதிலும், தற்போது கரூரில் போக்குவரத்துத் துறை இத்தகைய அவலங்களைச் சந்திப்பது ஏன் என நடுநிலையாளர்கள் கேள்வி எழுப்புகின்றனர்.









