புதுக்கோட்டை மாவட்ட ஆட்சியரகத்தில், மாவட்ட நிர்வாகம் மற்றும் தமிழ்நாடு அறிவியல் இயக்கம் இணைந்து நடத்தும் 9-ஆவது புத்தகத் திருவிழாவிற்கான விழாப் பதாகையை மாவட்ட ஆட்சித்தலைவர் மு.அருணா இன்று (நவம்பர் 17, 2026) வெளியிட்டார்.
இந்த புத்தகத் திருவிழா, வரும் நவம்பர் 29 முதல் டிசம்பர் 8 வரை, மொத்தம் 10 நாட்கள் புதுக்கோட்டை நகர்மன்ற வளாகத்தில் நடைபெற உள்ளது. பதாகையைப் பெற்றுக்கொண்ட மாவட்ட வருவாய் அலுவலர் ஹெச்.எம்.குழந்தைசாமி, விழாவின் முக்கியத்துவத்தை வலியுறுத்தினார்.
இந்நிகழ்ச்சியில் மாவட்ட ஆட்சியரின் நேர்முக உதவியாளர் (பொது) இ.அபிநயா, மாவட்ட நூலக அலுவலர் முத்து, புத்தகத் திருவிழா ஒருங்கிணைப்பாளர்கள் கவிஞர்கள் ஜீவி, ரமா.ராமநாதன், வெள்ளைச்சாமி, ஆசிரியர் முத்துக்குமார், பிச்சை முத்து, ஷோபா உள்ளிட்டோர் மற்றும் தமிழ்நாடு அறிவியல் இயக்க நிர்வாகிகள், அரசு அலுவலர்கள் கலந்துகொண்டனர்.
புதுக்கோட்டையில் புத்தகத் திருவிழாவைத் தொடங்குவதில் தமிழ்நாடு அறிவியல் இயக்கத்தின் பங்களிப்பு முக்கியமானது. குறிப்பாக, 2021-ஆம் ஆண்டு முதல் தமிழ்நாடு அரசின் நேரடி ஒத்துழைப்புடன், மாவட்ட நிர்வாகம் இணைந்து இந்தத் திருவிழாவைத் தொடர்ந்து நடத்தி வருகிறது. அந்த வகையில், இந்த ஆண்டு ஒன்பதாவது புத்தகத் திருவிழா மிகச் சிறப்பாக நடைபெற ஏற்பாடுகள் செய்யப்பட்டுள்ளன.









