திருப்பத்தூர் மாவட்டம், ஆம்பூர் அடுத்த துத்திப்பட்டு ஊராட்சிக்குட்பட்ட பெருமாள் கோவில் பகுதியில் கடுமையான போக்குவரத்து நெரிசல் ஏற்பட்டுள்ளதால், வாகனங்கள் நீண்ட தூரத்திற்கு அணிவகுத்து நிற்கின்றன.
குறிப்பாக, காலை மற்றும் மாலை வேளைகளில் தொழிற்சாலைகளுக்குச் செல்லும் ஊழியர்கள், கல்லூரி மற்றும் பள்ளி மாணவர்கள், பொதுமக்கள் ஆகியோர் உரிய நேரத்திற்குச் செல்ல முடியாமல் கடும் அவதிக்குள்ளாகி வருகின்றனர். மேலும், அவசரத் தேவைகளுக்காகச் செல்லும் வாகனங்களும் இந்த நெரிசலில் சிக்கித் தவிக்கும் சூழல் நிலவுகிறது.
இந்தப் பகுதியில் நிலவும் தொடர் போக்குவரத்து நெரிசலுக்கு உடனடியாக நிரந்தரத் தீர்வு காணும்படி சம்பந்தப்பட்ட அதிகாரிகளுக்கு அப்பகுதி மக்கள் கோரிக்கை விடுத்துள்ளனர். இதனிடையே, தகவல் அறிந்து நிகழ்விடத்திற்கு விரைந்த உமராபாத் காவல்துறையினர், போக்குவரத்தைச் சீரமைக்கும் பணியில் ஈடுபட்டுள்ளனர்.









